حزب الشهادات العاطله عن العمل
حزب الشهادات العاطله عن العمل
اهداف الحزب
اولا توفير فرص عمل لاصحاب الشهادات
ثانيا المطالبه المستمره بحقوق من يحملون شهادات وعاطلون عن العمل بحياة كريمه
ثالثا انشاء مشروعات خدميه لكل اعضاء الحزب
رابعا تعلم حرفه مثل النجاره والسباكه والحياكه الخ حتى تكون عونا له
خامسا الانصهار داخل المجتمع والعمل كفريق واحد للاستفاده من خبرات الاخرين فى كل المجالات
شروط العضويه
1- ان يكون حاصل على موهل دراسى ولا يعمل به
2- ان يكون مصرى الجنسيه
عزيزى القارىء اذا كانت تنطبق عليك الشروط سارع بالانضمام الينا انها فرصه لنكون حزب يطالب بحقه فى العمل والعيش بحياه كريمه
وانا بقترح فكره واللى عندو فكره زيها ياريت يقولنا اصلى انا حاسس اننا مش هانشتغل بشهاداتنا فنتعاون افضل لنا ونطالب بحقوقنا فى العمل والعيش بحياه كريمه
اهداء الى شعب مصر "حسنى مبارك"
ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك وادل اللي جابك وحيكون عدابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمااااال
تحياتى
عمر الشرقاوى
No comments:
Post a Comment